Kuchch kadam mere, humraah bunker chaliye
Jindagi hai apani, na majdhar bunker chaliye;
Hausale hon to, sapane bhi hain nikhar jate
Raah hai apani, ek rajdaar bunker chaliye.
Dil ke kunwe mein, lal-lal pani hai dikhata
Apane rangon ko, lalima mein na chchupa chaliye;
Hosh, madhosh hoker, kuchch aapse hai kahata
Apani hi baton ko na, khud se bhula ker chaliye.
Talashane se kabhi, khud ko nahin dhoondh pata insaan
Khojbeen chchod, jindagi ke saath chaliye;
Kaun milata hai, kaun chchootata hai, na gaur karein
Dard sahana hai to, masti ke saath chaliye.
Umar ret ki tarah, sarak rahi hai herdum
Samay ke rang-dhang, mridang sang chaliye;
Umang ka sambandh ho, chahatein prasang ho
Raag-anuraag ho to, sang mere chaliye.
Kuchch kadam mere, humraah bunker chaliye
Jindagi hai apani, na majdhar bunker chaliye.
